- 4 -
1290 (26. września) Erfurt.
Rudolf I. Habsburg, król rzymski i niemiecki, przyznał królowi Czech Wacławowi II. Przemyślidzie Księstwo Wrocławskie i inne lenna wolne po śmierci księcia Henryka IV. Probusa.
— Rudolfus dei gracia Romanorum rex semper augustus universis sacri imperii Romani fidelibus presentes litteras inspecturis graciam suam et omne bonum. Licet munificencie nostre dexteram ad cunctos fideles, quos Romanum ambit imperium, ex officii debito nobis desuper recommissi porrigere teneamur, maxime tamen illustres principes, qui velud aurora stellis prerutilans virtutum insigniis ceteris prestanciores imperialem gloriam reddunt radiancius illustratam, nos delectat graciosius graciosa dulcedine prevenire, attendentes itaque inclitum Wenczlaum regem Bohemie, principem et filium nostrum carissimum, utpote benemeritum condignis premiis premiandum, principatum Wratislavie et Slesie, quem a nobis et imperio illustris quondam Heinricus dux Wratislavie recepit in feodum, necnon omnia feoda vacancia ex morte eiusdem Heinrici quondam ducis Wratislavie ad nos et imperium pertinencia cum omnibus suis attinenciis possessionibus iurisdictionibus et iuribns universis, quocumque nomine censeantur, dicto regi Bohemie et suis heredibus habenda possidenda a nobis et imperio tenenda titulo feodali duximus conferenda; siquid autem diminucionis vel calumpnie, quod non credimus, circa predicta cavillose maliciose vel subdole posset opponi, supplemus de plenitudine regie potestatis. In cuius rei testimonium presens scriptum nostre maiestatis sigillo fecimus communiri.
Datum Erfordie VI.º kalendas Octobris, indiccione III anno domini MCC nonagesimo, regni vero nostri anno septimo decimo.
Lehns- und Besitzurkunden Schlesiens und seine einzelne Fürstenthümer im Mittelalter. Herausgegeben von Dr. C. Grünhagen und Dr. H. Markgraf. Erster Theil. Leipzig 1881.